Trajneri Zinedine Zidane ka publikuar listën e 22 lojtarëve që ka grumbulluar për ndeshjen që do të luhet nesër, prej orës 21:00, kundër Real Betisit në transfertë. Kampionët e Spanjës duan të arrijnë fitoren e parë në kampionat, pasi barazuan me Sociedadin me rezultatin 0-0.
Bie në sy sërish mungesa e Eden Hazardit. Belgu nuk është grumbulluar me “Los Blancos” duke konfirmuar momentin e errët që po kalon. Ai është i dëmtuar dhe po stërvitet në mënyrë individuale.
Sulmuesi i krahut është dështimi më i madh i madrilenëve. Ai u ble nga Chelsea, por që prej kalimit në Madrid ka qëndruar më shumë i dëmtuar dhe jashtëforme. Ai u rikthyer sërish mbipeshë në Madrid pas pushimeve të verës. E njëjta situatë si sezonin e kaluar!
📋 Our 22-man squad for the match against @RealBetis_en!#RMLiga | #RealBetisRealMadrid pic.twitter.com/VaXYlT98dZ
— Real Madrid C.F. 🇬🇧🇺🇸 (@realmadriden) September 25, 2020
