Gjilani i Gentjan Mezanit, vazhdon me përforcimet në merkato, teksa po mendon të blindojë repartin e mbrojtjes. Bardhekuqtë janë shumë pranë akordit me mbrojtësin kroat Ivan Fushtar, i cili spikati në Kategorinë Superiore disa sezone me parë, teksa veshi fanellën e Flamurtarit dhe Kamzës.
Akordi është konfirmuar nga drejtori i Gjilanit, Sevdail Robelli, për mediat kosovare. Fushtar tashmë është 31-vjeç dhe së fundmi ishte pjesë e skuadrës Nea Salmis në Qipro.
Kroati ka një CV tepër të pasur për sa i përket të kaluarës, teksa është aktivizuar me Al Arabin në Katar dhe disa skuadra kroate si Sibenik, Zadar, Slaven Belupo, RNK Split, etj.
