Futbollisti brazilian, Neymar Jr, ka hyrë, me një borxh prej 34.6 milionë euro, në listën e mospaguesve të Thesarit Spanjoll. Kjo listë e zezë, ku bën pjesë edhe transferimi më i shtrenjtë në historinë e futbollit (222 milionë euro, Barcelona-PSG), botuar këtë të mërkurë nga Agjencia e Taksave, përfshin borxhe dhe gjobitje për më shumë se 1 milionë euro në pritje të pagesës deri më 31 dhjetor 2019. Sulmuesi i PSG është identifikuar në listë për një borxh prej 34.624.26.60 euro.
Real Murcia, gjithashtu, shfaqet me detyrimin prej 10.7 milionë euro; Hércules me 3.7 milionë euro; Lleida Sportiu me 1.5 milionë euro; Real Jaén me 1.2 milionë euro; Reus Deportiu me 1.1 milionë euro. Borxhi i klubit bask, Girona, i tejkalon 10 milionë eurot; ai i Atlético Alcantarilla është 1.8 milionë; i Neptuno Handball 1 milionë; i Racing Club Asociación Civil 3.3 milionë dhe i ish-futbollistit argjentinas, Gabriel Milito, 1.8 milionë euro. Këto janë debitorët e tjerë, të identifikuar nga Agjencia e Taksave në Spanjë.
