Nainggolan-Cagliari, po negociohet. Klubi kuqeblu – nuk është një mister – për javë të tëra ka planifikuar kthimin në Sardenjë të mesfushorit belg me origjinë indoneziane, sigurisht jo në qendër të projektit taktik të Antonio Conte te Inter.
Kjo është arsyeja pse palët po kërkojnë një marrëveshje që kënaq të gjithë: Ninja, i cili do të humbasë ndeshjen kundër Benevento për shkak të dëmtimit, dëshiron Cagliarin me çdo kusht dhe prej kohësh ka një marrëveshje me klubin të kryesuar nga Tommaso Giulini.
Sidoqoftë, midis klubeve, ende nuk ka akord: zikaltërit kërkojnë 12 milion euro, të cilat klubi nga Sardenja do të dëshironte t’i mbulonte me lojtarë, duke futur dy ose tre të rinj në negociata. Emri që intrigon Interin është ai i Sebastian Walukiewicz, mbrojtësi qendror 2000, me vlerë mes 7 dhe 8 milion euro, i cili do të qëndronte i huazuar te Cagliari për një vit përpara se të arrinte në Milano.
Cagliari për momentin nuk është aspak i bindur të heqë dorë, megjithatë, bie dakord me emrat e të rinjve Riçardo Ladinetti dhe Roberto Biancu, të dy mesfushorë të klasit 2000: i pari do të huazohej nga Interi në Serie B (favoritët e Reggiana dhe Brescia) ndërsa i dyti do të qëndronte ende në Olbia i huazuar, duke shtyrë çdo vendim mbi të ardhmen e tij për një vit.
Vëmendje gjithashtu për emrin e Nunzio Lella, gjithashtu një mbrojtës i lindur në 2000, gjithashtu i huazuar te Olbia.
