Në një intervistë të dhënë për Dejaay Football Club, Fabio Capello është kthyer të flasë për kalimin e tij në drejtim të Juventus-it nga Roma në 2004-ën:
“Është e vërtetë se kam thënë ‘kurrë tek Juventus-i’. Po nuk kishte asgjë për të shpjeguar: në atë kohë luftonim me Roma-n kundër Juventus-it për disa lojtarë, vetë Chiellini kishte rënë dakord me ne, më pas erdhi Moggi…”.
“Ekzistonte një rivalitet i madh. Më pas, kur kam vendosur të shkoj tek Juventus, kanë qenë ata që më kanë telefonuar. Mbi të gjitha kam shkuar sepse kam kuptuar se cikli im te Roma kishte mbaruar”.
