Javier Pastore është aktivizuar si titullar në takimin e Kupës së Francës mes Rennes dhe PSG-së, mbrëmjen e të martës, duke bërë që të bien shanset e transferimit të tij te Interi.
Gjithsesi, menaxheri I argjentinasit nuk është i këtij mendimi, pasi sipas tij aktivizimi i sotëm nuk ndryshon asgjë dhe se tratativa vijon të jetë e hapur. Zikaltrit shpresojnë dhe po punojnë që në 24 orët e fundit të merkatos dimërore, të bindin francezët që të heqin dorë nga Pastore.
Për këtë arsye drejtuesit e Interit po punojnë edhe në fronin e largimeve, që do të shtonin paratë në arkat e klubit. Kështu Nagatomo është shumë pranë huazimit të Galatasaray për 1 milionë euro, me të drejtë blerjeje për 8 në verë.
E njëjta situatë është edhe për mesfushorin kroat, Brozoviç, I cili kërkohet me ngulm nga Montella te Sevilla. 1 milionë euro për huazimin dhe 28 të tjera për blerjen në verë, është oferta e andaluzianëve për zikaltrit, ndërsa për momentin mesfushori kroat është duke reflektuar mbi këtë mundësi.
Kur kanë mbetur rreth 24 orë nga mbyllja zyrtare e merkatos së dimrit, te Interi situate vijon të jetë ‘e nxehtë’ dhe analistët nuk e përjashtojnë mundësinë e surprizave ‘last minute’.