Problemet e Barcelonës me Messin nuk do të ndryshojnë asgjë në vendin që ka në ekip. Argjentinasi do të jetë kapiten dhe për sezonin e ri, pavarësisht se kritikat e tij për presidentin Bartomeu ishin mjaft të forta.
Shtatshkurtri do të mbetet lideri i skuadrës në fushë dhe në dhomat e zhveshjes. Pas tij vijnë senatorët e tjerë të ekipit, Sergio Busquets dhe Gerard Pique. Sergio Roberto është kapiteni i katërt i skuadrës.
Shanset që shiriti të kalojë në krahun e tij janë të pakta, pasi hirearkia është e vendosur. Trajneri Ronald Koeman nuk ndryshoi asgjë në rolin e kapitenit. Ai nuk donte që të prishte harmoninë e grupit.
