Dejan Kulusevski, ylli suedez i Juventus-it, ka qenë protagonist në ndeshjen e luajtur mes Suedisë së tij dhe Francës.
Një gol apo një magji në fushë? Jo. Thjesht deklaratat e papritura të bëra pas ndeshjes.
I aktivizuar vetëm në minutën e 70-të të ndeshjes, për të zëvendësuar Sebastian Larsson, ish-mesfushori i Parma-s është shprehur shumë i habitur për faktin se nuk ka qenë titullar.
Siç ka raportuar portali suedez AftonBladet, Kulusevski e ka komentuar në mënyrë të drejtpërdrejtë vendimin e trajnerit Andersson për të mos e aktivizuar nga fillimi i ndeshjes kundër Francës:
“Nuk kam patur kohë të kisha një ndikim te ndeshja. Jam tronditur nga fakti se jam aktivizuar nga stoli. Në stërvitje ka shkuar gjithçka mirë, por nuk e di”.
“Edhe kjo është pjesë e futbollit. E pranoj se është një ndjesi e çuditshme, por e respektoj zgjedhjen e trajnerit”.