Mesfushori i Partizanit, Edon Hasani, është drejt rikuperimit nga dëmtimi i tij, që e ka lënë për shumë kohë jashtë fushave. 29- vjeçari ka filluar të stërvitet me Partizanin në muajin janar dhe të kuqtë i kanë dhënë mundësi të jetë pjesë e tyre, duke nënshkruar një kontratë “xhentëlmenësh”.
Mësohet se mesfushori shkodran po punon me ritme të kënaqshme për të lënë pas dëmtimin dhe shpreson që të rikthehet në fushë brenda këtij muaji. Cilësitë e Edon Hasanit dihen, një lojtar që i ka dhënë shumë futbollit shqiptar, por që muajt e fundit, ka qenë i pafat me dëmtimin. Mesfushori nuk e ka ndaluar stërvitjen për asnjë moment, duke punuar shumë edhe në palestër.
