Pas ndryshimeve të mëdha që do të bëhen në repartin e sulmit, Lautaro Martinez shndërrohet në një objektiv kryesor për ekipin e Barcelonës. Drejtuesit katalanas do të vazhdojnë të bisedojnë me Interin për Lautaro Martinezin, i cili është i pari në listën e dëshirave.
Pavarësisht se Interi dhe lojtari mund të nisin bisedimet për rinovimin e kontratës, Barcelona nuk është dorëzuar. Katalanasit kanë besim se mund të sigurojnë shërbimet e tij pas një akordi verbal që kanë pasur për 5 vitet e ardhshme.
Lautaro është në dilemë sepse mendon që pa Mesin nuk do të kishte kuptim transferimi i tij, por nëse në zyrat e Interit vjen një ofertë tunduese, ai do të jetë i sakrifikuari i madh. Barcelona pretendon që ta përfshijë Lautaron në bisedimet që do të ketë gjatë këtyre ditëve për transferimin e Arturo Vidalit në Milano. Zikaltrit kanë marrëveshje me lojtarin, por fillimisht ai duhet të lirohet nga Barcelona.
