Eduart Rroca ka hedhur hapin e fundit për t’u zyrtarizuar si lojtari më i ri i Istanbulsporit. Klubi turk komunikoi kalimin e 27-vjeçarit në Stamboll.
Sipas marrëveshjes mes klubit të kategorisë së dytë të futbollit turk dhe Kukësit, Istanbulspori pagoi 100 mijë euro për mesfushorin me tipare sulmuese, ndërsa verilindorët kanë siguruar të drejtën e mbajtjes së 20% të vlerës së kartonit të Rrocës.
Rroca luajti dje ndeshjen e fundit me Kukësin, teksa verilindorët u mposhtën me rezultatin 0-3 nga Volfsburgu. Kujtojmë që lojtari humbi dhe një penallti gjatë sfidës.
