Pas marrjes së Pepe Reinës, Milani po afron edhe sulmuesin italian Simone Zaza. Lojtari i Valencias raportohet nga mediat spanjolle se ka pranuar kushtet e kontratës së kuqezinjve, për të veshur fanellën e tyre për 4 vite.
Megjithatë ky rikthim në Itali i Zazas mbahet peng nga sulmuesi tjetër i kuqezinjve Nikola Kalinic, i cili pret vetëm konfirmimin e Atletico Madridit për ta mirëpritur në Spanjë. Zaza do të huazohet në Milano, por kuqezinjtë do të kenë opsionin e blerjes së plotë të tij.
Që pas largimit nga Juventus, Zaza ka shënuar me”Los Che” 13 gola në 39 takime. Ndoshta një rikthim në atdhe mund të ndihmojë 27-vjeccarin të gjejë më shumë golin në Itali.
