Tottenhami do të rikthejë interesin për qendërmbrojtësin e Interit, Milan Skriniar. Sllovaku nuk po luan nën drejtimin e Antonio Contes dhe me shumë mundësi do të largohet në janar.
25-vjeçari nuk dëshiron që të qëndrojë në stol, prandaj do të mundohet që të gjejë një strehë të re. Interi nga krahu tjetër nuk e sheh si të pashitshëm, madje Conte nuk e do më në ekip për të ruajtur ekuilibrat.
Trajneri Jose Mourinho e dëshiron në skuadër, pasi e ka kërkuar dhe më herët. Ai nuk e arriti dot në verë, por duket se do të rizgjojë interesin për lojtarin në merkaton e janarit sërish.
