Futbollisti francez Xhefri Kondobia do të luajë me Atletiko Madridin. Mediat spanjolle raportojnë se madrilenët kuqeblu kanë pranuar të sjellin për 20 milionë euro mesfushorin e Valencias në “Uanda Metropolitano”. 27-vjeçari zë vendin e ganezit Tomas Parti, i cili ka firmosur së fundmi me Arsenalin.
Pas shitjes së Partit te “Topçinjtë”, Atletiko Madridi pati afat deri në 5 nëntor për të siguruar dhe një tjetër futbollist. Në këtë mënyrë, për shkak të karakteristikave të ngjashme Atletiko Madridi e ka patur të lehtë të gjejë pasuesin e Tomas Partit. Kondobia vlerësohet për rikuperimin e topave në mesfushë, goditjet e sakta nga jashtë zone dhe lojën e fortë.
Ai do të kryejë nesër testet mjekësore dhe më pas do të prezantohet në ambjentet e klubit spanjoll.
