Kampionët e Hungarisë, Ferencvarosh, ku luan edhe lojtari i kombëtares shqiptare, Myrto Uzuni, ka siguruar fazën e grupeve të Championsit.
Përpos kësaj arritjeje historike, hungarezët akoma nuk e harrojnë makthin e 2016-ës, ku Partizani i eliminoi në turin e parë eliminator të Championsit. Të dyja takimet përfunduan në barazim 1-1 dhe të kuqtë u kualifikuan nga seria e 11-metërshave, ku 20 korriku i 2016-ës mbetet i paharruar për portierin Alban Hoxha, që shënoi një penallti me stilin “Panenka” dhe priti tri të tjera.
Ky dështim konsiderohet nga hungarezët si pika e errët e Ferencvaroshit, që në kuadrin e katër viteve arriti të ngrihet dhe të shkojë në fazën e grupeve të Championsit.
