Nuk është gjithçka negative për Inter-in që po has disa vështirësi në Champions League.
Siç ka bërë të ditur Gazzetta dello Sport, edhe pa publik në San Siro për shkak të Covid, klubi zikaltër ka arkëtuar një shumë të majme falë një kontrate sigurimi të nënshkruar në 2019-ën.
Kjo është ajoa del nga një raport i publikuar nga klubi zikaltër në Inter Media and Communication spa, ku përfundojnë të gjitha të ardhurat nga të drejtat televizive dhe shitja e biletave.
Të ardhurat e munguara nga një San Siro pa spektatorë kanë qenë 13 milionë euro. Sigurimi i nënshkruar, që nuk mund të parashikonte hipotezën e një pandemie dhe pamundësinë e përdorimit të impiantit, do t’i garantojë Inter-it 10 milionë euro në javët e ardhshme.
