Drejtori sportiv i Lazios, Igli Tare, ka bërë me dije se sulmuesi Vedat Muriqi nuk do të ishte blerë nëse COVID-19 nuk do të ekzistonte. “Nëse nuk do të jetonim në kushtet e COVID-19, nuk do të blinim dot Vedatin për shifrën që e morëm.
“Mbase nuk do e merrnim fare. Pandemia na dha mundësinë që të firmosnim me të”, – tha Tare për Sporx. Sulmuesi la ekipin e Fenerbahçes në verë dhe iu bashkua Lazios.
Ekipi italian pagoi 20 milionë euro për të siguruar kartonin e sulmuesit. Një shifër mëse normale kur mendon shpenzimet e çmendura të skuadrave kohët e fundit.
