Sulmuesi i Tiranës, Elton Cale, u operua në shpatull. Ai do të jetë një mungesë e rëndësishme e trajnerit Emannuel Egbo në rast se kampionati nis. Braziliani pritet të rikthehet sërish me ekipin në janar.
“Lojtari i Tiranës, Elton Cale, ka kryer ditën e djeshme një ndërhyrje në shpatull. Numri 7 i formacionit ka kryer me sukses operacionin. Klubi kërkon t’i japë rëndësi parësore shëndetit, duke e ndjekur pa shkëputje trajtimin e lojtarit.
“Cale do i bashkohet skuadrës sapo të kthehet në formën optimale për t’u stërvitur. Klubi i uron shërim dhe rikthim sa më të shpejtë në fushën e lojës”, – shkruan klubi bardheblu.
