Ka shkaktuar shumë diskutime mënyra me të cilën Rexhina zgjodhi të prezantonte Tiago Cionek, blerjen e fundit të klubit pas rikthimit në Serinë B. Në mars, kur mbrojtësi ishte ende te SPAL-i, ai shmangu një grabitje në një dyqan cigaresh, duke neutralizuar agresorin.
Dhe duke u frymëzuar nga ky gjest, klubi kalabrez publikoi një video ku rindërtoi skenën me Cionekun që ndodhet i ulur në një bar me fanellën e Rexhinës në momentin që hyn keqbërësi me pistoletë. Ai tremb agresorin dhe thotë: “Ju mbroj unë”.
Por, videoja ka shkaktuar polemika, sepse mbyllet me rikthimin e grabitësit në bar (këtë herë Cionek nuk është më) dhe ai vret baristin me frazën: “Tani jeni pa mbrojtje”.
