Në ditët e kaluara ka bërë xhiron e botës lajmi në lidhje me situatën e Al Hilal, skuadra saudite që ka patur 15 lojtarë në ekip me Covid-19, mes të cilëve edhe Sebastian Giovinco-s.
Situata brenda kampionëve sauditë nuk është përmirësuar akoma, siç tregon edhe formacioni i publikuar nga trajneri Razvan Lucescu për ndeshjen e Champions League-ës aziatike të mbrëmjes së sotme kundër Shabab AlAhli Dubai.
Mungesa të mëparshme u janë shtuar ato të dy pjesëtarëve të tjerë të ekipit, një fakt ky që ka detyruar trajnerin të hedhë në fushë nga minuta e parë një formacion të përbërë nga 8 lojtarë (shumë prej të cilëve rezerva) dhe 3 portierë (natyrisht vetëm njëri prej tyre i aktivizuar në portë).
Një situatë paradoksale, e krijuar për shkak të refuzimit të konfederatës aziatike për ta shtyrë ndeshjen.
📋 #AlHilal squad for today’s match against “Shabab AlAhli Dubai” at #ACL2020 ⚽️ #HILvSAH that included 8 players and 3 goalkeepers .. pic.twitter.com/tgTGhtfx6L
— AlHilal Saudi Club (@Alhilal_EN) September 23, 2020
