Diogo Dalot ende nuk e ka provuar shijen e debutimit me fanelën kuqezi të Milanit por sot u prezantua si “Djall”.
“Sapo dëgjova që Milani ishte i interesuar për mua, isha shumë i lumtur. Jam i kënaqur që kam zgjedhur Milanin. Kur luan në një klub të rëndësishëm, fiton shumë përvojë. Shpresoj të sjell gjithçka kam mësuar këtu. Milani dhe United janë dy skuadra të mëdha. Gjithmonë mund të përmirësohesh. Jam një lojtar që me të vërtetë më pëlqen të punoj dhe të përpiqem të përmirësohem. Unë po përpiqem të mbaj cilësitë e mia, dua ta mbaj këtë mentalitet”
“Kur dikush e di që diçka nuk është në rregull, duhet të punojë për të përmirësuar. Unë e di që duhet të përmirësohem në mbrojtje dhe gjithashtu në sulm. Ky është vendi i duhur për ta bërë këtë. Këtu është mentaliteti i duhur, unë thjesht duhet të vazhdoj të punoj për të përmirësuar veten. Shpresoj të bëhem një lojtar i plotë në Milan”.
Derbi – “Duke shkuar në stadium isha pa fjalë, pashë shumë tifozë që na mbështesnin. Kur sheh skena të caktuara mbërrin në stadium më i fortë. Ne i dëgjuam ulërimat pas golave dhe ata na pritën edhe pas ndeshjes. Shpresoj të shoh së shpejti San Siro të mbushur me tifozë”.
Leao – “Jam i kënaqur me paraqitjen e tij në derbi. Ai është i fortë, do të na japë një dorë të madhe këtë vit
Roli – “Gjatë karrierës time kam luajtur në role të ndryshme, kam luajtur si në të majtë dhe në të djathtë. Pozicioni im i preferuar është në të djathtë, por unë jam gjithashtu i gatshëm të luaj në role të tjera. Në një ekip është gjithmonë mirë të kesh lojtarë të gjithanshëm”.
E ardhmja – “Kur nënshkrova për Milanin, kisha motivim të mëdha. Mendoj vetëm për Milanin tani, koka ime është 100% në Milano dhe shpresoj të bëj gjëra të mëdha, duke arritur të gjitha qëllimet tona”
Dani Alves – “Unë jam rritur duke parë shumë lojtarë të mirë si Dani Alves për shembull, ai ishte frymëzues. Më bindi dhe më nxiti ëndrrën për të luajtur në këtë pozicion”
Ambicjet – “Le të mendojmë ndeshje pas ndeshje. Morëm një fitore të bukur në derbi, tani jemi përqendruar në Ligën e Evropës, atëherë do të mendojmë për ndeshjet e ardhshme të ligës. Tani mendojmë vetëm për Celtic”.
