Agjenti i Lautaro Martinezit, Rolando Zarate, ka folur në lidhje me të ardhmen e lojtarit. Ai ka kërkuar nga mediet që të kenë më shumë respekt për lojtarin dhe ta lënë të qetë.
“Nuk është mirë të flasim për Barcelonën, Lautaro është lojtar i Interit. Është mungesë respekti të flasim sërish për një largim të tillë, sidomos në kurriz të klubit që i hapi dyert në Europë”, – tha ai.
Lautaro pritej të transferohej te skuadra e Barcelonës në verë, por diçka e tillë nuk ndodhi. Spanjollët nuk paguan klauzolën e lojtarit, pasi situatat nuk ishin aspak të mira në klub.
