Teksa ishte në fushë në sfidën ndaj Bolonjës, futbollistit të Lacios, Joakin Korreas, i ka ndodhur një situatë e pakëndshme, teksa hajdutët u futën në shtëpinë e tij duke e bastisur atë gjatë ndeshjes.
Sipas raportimit të mediave italiane, mësohet se keqbërësit kanë hyrë nga porta kryesore. Duke vjedhur sende të ndryshme me vlerë si dhe 7 mijë euro cash.
Policia italiane ka nisur menjëherë hetimet për të zbardhur këtë çështje, ndërkohë që i mërzitur nga kjo ngjarje, sulmuesi argjentinas ka shfryrë nervat, nëpërmjet një postimi në “Instagram”, ku shkruante: “Erdhët të vidhnit në shtëpi, ndërsa unë isha në ndeshje, frikacakë. Hajdeni dhe vidhni kur unë jam brenda. Ju pres! Copa m***”. Më pas futbollisti i Lacios e ka fshirë postimin, teksa shpreson që autorët të gjenden dhe të dalin para drejtësisë.
