Portieri i Evertonit dhe Anglisë Xhordan Pikford i ka shpëtuar dënimit nga Federata Angleze për dëmtimin e rëndë që i shkaktoi mbrojtësit të Liverpulit Virxhil Vaj Dajk në takimin e fundit të Premier Ligës 2-2.
Komisioni disiplinor pasi vlerësoi pamjet e VAR-it gjykoi se holandezi Van Dajk ishte në pozicion jashtë loje gjatë aksionit të ndeshjes dhe për këtë arsye Pikford nuk ka arsye të dënohej me karton të kuq.
Futbollisti i kampionëve të Anglisë do t’i nënshtrohet operacionit në gjurin e djathtë pasi ka dëmtuar ligamentin dhe pritet të mungojë për një kohë të gjatë. Ndërhyrja e ashpër e portierit anglez Pikford ngjalli irritime te tifozët, të cilët këmbëngulën që gardiani i Evertonit të penalizohej rëndë për ndërhyrjën e shkaktuar.
