Mauricio Sarri mund të rikthehet sërish në Serinë A. Mediat italiane shkruajnë se ish-trajneri i Çelsit dhe Juventusit preferon të marrë drejtimin e Fiorentinës. Njëri prej miqve të afër të trajnerit toskan ka treguar se 61-vjeçari e ka ëndërr drejtimin e “La Viola”.
Ndërkohë, nga ana tjetër, Sarri dhe Juventusi po punojnë për mbylljen përfundimtare të kontratës mes palëve. Italiani vazhdon të paguhet nga kampionët në fuqi të Italisë.
“Drejtimi i Fiorentinës ka qenë gjithmonë ëndrra e tij secrete. Dëshira ime është që ta shikoj në stolin vjollcë. Është e realizueshme”, shprehet Aurelio Virxhili, tifoz i Fiorentinës dhe mik i Sarrit.
Ndër të tjera, Virxhili thekson se Sarri mund të emërohet gjatë Krishtlindjeve.
Megjithatë, 61-vjeçari Sarri shikohet si kandidat dhe për stolin e Romës, teksa trajnerit Paulo Fonseka i ka skaduar kontrata me verdhekuqtë dhe ende nuk ka rinovuar.
Sarri u shkarkua nga Juventusi pas eliminimit në Ligën e Kampioneve nga Lioni.
