“Conte, përveç 40 eurove, ka në xhep edhe diçka tjetër (titullin)… ka qenë vendimtare fitorja në derbi, pavarësisht se Milan-i po bën shumë mirë”.
Ky është mendimi i ish-presidentit të Inter-it, Massimo Moratti, i cili ka folur për Radio 24 me rastin e 113 vjetorit të klubit zikaltër.
Pas fitores 1-0 kundër Atalanta-s, skuadra e Conte-s kryeson renditjen e Serisë A me një avantazh prej 6 pikësh ndaj kushërinjve.
“Conte ka një rol që shkon përtej atij të trajnerit në këtë moment, ka të gjitha meritat. Nuk besoj se duhet kujtuar e kaluara (ka luajtur dhe ka qenë trajner i Juventus-it), shikohet e tashmja dhe po bën shumë mirë”.
Për Romelu Lukaku-n, mes protagonistëve kryesorë në këtë sezon me zikaltrit:
“Në fillim nuk mendoja se ishte kaq i fortë, por besoj se është një djalosh i zgjuar që është përmirësuar shumë. Tani është një pikë referimi dhe një siguri që ka Inter-i për të marrë rezultatin. Është bërë një lojtar i pabesueshëm”, ka thënë Moratti.
