Kontrata e lojtarit të Milan-it, Hakan Calhanoglu, skadon në vitin 2021 dhe, sipas mediave italiane, ai kërkohet nga klube italiane dhe gjermane dhe kërkon një kontratë të re 6 milionë euro në vit për të qëndruar në San Siro.
Siç ka bërë të ditur Tuttosport, Milan-i ka frikë se mund ta humbasë turkun me kosto zero verën e ardhshme sepse negociatat për zgjatjen e kontratës janë komplikuar.
26-vjeçari që ka shkëlqyer në këtë fillim të sezonit thuhet se ka kërkuar një marrëveshje të re me 6 milionë euro në vit.
Dy skuadrat e interesuara për Calahnoglu janë Juventus dhe Leverkusen.
Menaxheri i tij do të shkojë në Milano në javët e ardhme për të diskutuar për kontratën e klientit të tij.
