Vazhdon të bëjë bujë në Angli biografia “Both Sides” e Nicklas Bendtner, ish-lojtari i Juventus-it dhe Arsenal-it. Pas faqeve në lidhje me lojën e bixhozit, tani e kanë radhën vajzat escort dhe ish-sulmuesi nuk i ka lënë hapësirë imagjinatës:
“Preferoj të bëj seks me pagesë, kështu nuk rrezikoj shantazhin. Ndoshta mund të pyesni veten pse prostitutat janë një fenomen kaq i përhapur në futbollin profesionist”.
“Është shumë e thjeshtë: sepse është më pak e rrezikshme se të dalësh me një vajzë të vendit”.
Në “Both Sides”, Bendtner ka siguruar se pagesa për të shkuar në krevat me një profesioniste është një zakon shumë i përhapur në futboll, madje edhe një ditë para ndeshjes.
“Prostitutat nuk janë 100% të sigurta, por të paktën kanë një biznes për të mbrojtur”.
Gjatë kohës që luante në Londër me Topçinjtë vetë Bendtner ka qenë viktimë e një shantazhi nga një prej këtyre vajzave profesioniste.
“Një herë, – ka kujtuar ish-sulmuesi danez, – ka ardhur një vajzë me të cilën kisha shkuar në krevat dhe më ka thënë se kishte mbetur me barrë dhe se kishte një çmim për heshtjen e tij. Donte të bënte gjoksin dhe në fund kam paguar për ndërhyrjen”.