Legjendë e stolit të Arsenal-it, sot njëri i FIFA-s, Arsene Wenger ka folur për Mesut Ozil, i përjashtuari i luksit në shtëpinë e Topçinjve.
“Është për të ardhur keq, është një humbje për atë dhe për klubin. Është një talent, një lojtar që krijon, mund të bëjë pasime vendimtare në 30 metrat e fundit dhe është një humbje për të dyja palët”, ka thënë francezi.
“Për nga mënyra si po shkon futbolli tani, në nivel taktik, duhet gjetur vend për lojtarë të tillë. Ka vizion loje dhe cilësi, edhe në këtë futboll që po largohet gjithmonë e më shumë nga këto karakteristika, i duhet gjetur një vend”.