Kombëtarja e Shqipërisë është grumbulluar sot për sfidat e radhës së Ligës së Kombeve. Ekipi kuqezi nis sot përgatitjet në stadiumin e Tiranës “Selman Stërmasi”.
Ndryshe nga herët e tjerë ku janë stërvitur në kompleksin “Tropikal” në Durrës, këtë herë skuadra ka vendosur t’i kryejë përgatitjet në kryeqytet në “shtëpinë” e 25-herë kampionëve të Shqipërisë.
Kujtojmë që miqësorja e planifikuar për ditën e mërkurë me Armeninë është anuluar për shkak të konfliktit të armatosur mes Armenisë dhe Azerbajxhanit.
Shqipëria luan dy takimet e radhës jashtë: me Kazakistanin (11 tetor) dhe Lituaninë (14 tetor).