Zlatan Ibrahimoviç dhe Leo Duarte ende nuk e kanë kaluar Koronavirusin, ndonëse nga java e kaluar kur zbuluan se ishin pozitivë u karantinuan në shtëpi.
Pas testeve të radhës të kryera, dy lojtarët morën përgjigjet se janë ende pozitivë me Koronavirus dhe nuk mund të thuhet ende nëse do të jenë të gatshëm për derbin ndaj Interit më 17 tetor apo jo.
Një problem ky jo i vogël për trajnerin Pioli, sidomos për mungesën e sulmuesit suedez, i cili është një pikë referimi te Milani dhe prania e tij në derbi do të ishte shumë e rëndësishme.
Nga ana tjetër është rikuperuar Romanjoli që vuante dëmtim dhe pritet të jetë i gatshëm për ndeshjen ndaj zikaltërve. Ndërkohë vazhdon me rikuperimin Ante Rebiç.
