Porteri i Lacios dhe Shqipërisë Thomas Strakosha mund të mungojë në ndeshjen e së mërkurës në Ligën e Kampioneve kundër Klub Bryzhit.
Sipas informacioneve pranë klubit bardhekaltër, 25-vjeçari nuk është parë në seancën stërvitore të ditës së sotme. “Lazioneës” raporton se ka gjasa që Strakosha të mos grumbullohet për sfidën ndaj kampionëve të Belgjikës.
Ai nuk ishte prezent as në sfidën e fundit në kampionat ndaj Bolonjës, ku në vend të tij luajti veterani Pepe Reina.
Ajo çfarë është më e çuditshme është se nuk ka informacione nëse Strakosha është dëmtuar apo është vendim i trajnerit Simone Inzagi për ta lënë sërish pushim.
