Ish-trajneri i Italisë, Cesare Prandelli, ka folur në lidhje me luftën për titull në Serinë A. Sipas tij, skuadra favorite nuk është Juventus, por Inter dhe Atalanta.
“Atalanta? Po. Do të vija bast me zemër. Në këtë moment Inter dhe Atalanta kanë diçka më shumë. Atalanta ka vite që punon në këtë mënyrë dhe lojtarët e dinë atë që duan të bëjnë”, ka thënë Prandelli për TMW .
“Nuk kanë vetëm forcë fizike, por edhe taktike dhe një forcë të madhe psikologjike”.
“Inter ka bërë një sezon të rëndësishëm dhe ka konfirmuar jo vetëm Conte-n, por edhe dëshirën për të arritur lart. Pirlo? Është një garanci në menaxhimin e kampionëve, ka ide të reja, por mund ta gjykojmë vetëm pas disa muajsh për lojën”.
