Për tifozët spanjollë mund të duket diçka e pamundur, por ndeshja mes Ukrainës dhe Spanjës mund të jetë në shkallët e stadiumit 21 mijë tifozë.
Bota po jeton në kohë Koronavirusi, por jo në të gjitha anët njëlloj dhe shembulli konkret është mbrëmjen e sotme (20:45) në stadiumin “Olimpik” të Kievit. Çmimi i biletave varion nga 5 në 30 euro. UEFA lejon publikun në stadium deri në 30%, por në Ukrainë ligji nuk e ndalon prezencën e tifozëve.
Stadiumi i Kievit ka 70.050 mijë vende dhe limiti i tyre për një ndeshje futbolli është 21.000. Në stadium nuk mund të ketë tifozë miq, por vetëm vendas.
Brenda stadiumit duhet të ndiqen disa rregulla strikte si distancimi social, përdorimi i maskave, dezinfektimi i duarve. Në hyrje të stadiumit do të ketë matje të temperaturës. Ata që do të kenë temperaturë më të lartë se 37.2 gradë nuk do të lejohen të futen në stadium.
