Trajneri i Interit, Antonio Conte, po planifikon që të bëjë një lëvizje të madhe në merkaton e verës së ardhshme. Numri një i stolit kërkon sulmuesin e Manchester City-t, Sergio Aguero, shkruan calciomercato.
Zikaltrit duan të afrojnë futbollistin 32-vjeçar si zëvendësues të Lautaro Martinezit. Ky i fundit pritet të largohet nga Milano në fundin e këtij sezoni dhe Conte ka nisur planifikimin që tani.
Aguero mund të jetë një afrim i bujshëm, pasi 32-vjeçari do të largohet nga “Qytetarët”. Kontrata e argjentinasit do të skadojë në fund të vitit dhe sulmuesi do të dalë si futbollist i lirë.