Është edhe Ryan Gravenberch në listën e objektivave të Juventus në merkato.
18-vjeçari i Ajax ndiqet prej kohësh nga bardhezinjtë, gati të kthehen seriozisht në garë duke parë vështirësitë për të arritur te Pogba dhe Camavinga.
Për xhevahirin e Ajax-it interesohet edhe Barcelona, që mund të shfrytëzojë kartën Koeman, sipas Tuttosport. Trajneri i katalanasve e vlerëson shumë bashkëkombësin dhe ka dëshirë ta marrë në Katalonjë.
Juventus, nga ana tjetër, do të kërkojë të shfrytëzojë marrëdhënien e mirë që ka me Raiola-n, menaxheri i lojtarit të ri, me shpresën për të përsëritur goditjen De Ligt për të siguruar një tjetër holandez të talentuar.
Por kur dy zihen, ai që përfiton është i treti. Një i tretë që në këtë histori përfaqësohet nga PSG. Gravenberch, që ka një kontratë deri në vitin 2023, vlerësohet 20-25 milionë euro.
