Një lajm i mirë dhe një tjetër i keq në të njëjtën ditë për Kastriot Dermakun. Dje, skuadra e Leçes ka marrë përgjigjet nga analizat e bëra për gjithë skuadrën dhe kanë rezultuar përgjigje negative në lidhje me virusin “COVID-19”.
Mes tyre, edhe Kastriot Dermaku. Mirëpo, dje, qendërmbrojtësi ka marrë përgjigjen e rezonancës: tërheqje të gradës së parë në këmbën e djathtë. Mbrojtësi humb dy ndeshjet e radhës si dhe grumbullimin e nëntorit me Kombëtaren.
