Pep Guardiola e quan trajnerin më të mirë në botë, Marselo Bielsa i rikthen komplimentet përpara duelit të tyre të shtunën në “Elland Road”.
Ata janë përballur disa herë në La Liga, ndërsa argjentinasi ishte në stolin e Bilbaos dhe katalanasi në pankinën e Barcelonës. “Unë nuk ndihem si profesori i Guardiolës. Ka prova që nuk është kështu. Nëse ka një trajner të pavarur në idetë e tij, ai është pikërisht Guardiola.
Skuadrat e tij luajnë si asnjë ekip tjetër. Ka shumë fantazi. Nuk njoh shumë trajnerë të tjerë që do ta meritonin këtë lloj vlerësimi. Njerëzit mendojnë se skuadra e tij e Barcelonës ishte një nga ekipet më të mira të historisë së futbollit”, tha tekniku i Lidsit.
