Para pak kohësh, moderatorja simpatike Eva Murati, tërhoqi vëmendjen e të gjithëve me komentin që aktori i njohur i Turqisë Çan Jaman i kishte kthyer në Instagram.
Të gjithë donin të dinin se si ishin njohur dyshja, por Eva zgjodhi të mos i përgjigjej pyetjeve të ndjekësve.
Së fundmi, moderatorja ka tërhequr edhe vëmendjen e mediave greke, të cilat i kanë kushtuar një shkrim.
“Protothema.gr” e ka krahasuar Evën me moderatoren italiane, Dileta Leota.
“ ‘Diletta’ e Shqipërisë i vë flakën Champions League”, ishte titulli i artikullit të mediave greke.
“Moderatorja, modelja dhe aktorja 25-vjeçare është një nga figurat më seksi të televizionit shqiptar. E re, e bukur, shumë e talentuar, kjo është arsyeja e shkëlqimit të 25-vjeçares, Eva Murati!”, shkruan media greke.
Kështu nis artikulli për Muratin, i cili vazhdon me hapat e parë të karrierës së saj si modele e deri tek prezantuesja e “Champions League”, ku sipas tyre, “i ka dhënë bukuri emisionit me prezencën e saj”.
