Donnarumma humbet Milan-Roma pasi u infektua me koronavirus. E papritur te kuqezinjtë, edhe pse gjendja e gardianit duket e mirë.
Duke folur në profilin e tij në Instagram, portieri i Milanit, Gianluigi Donnarumma komunikoi pozitivitetin e tij me Covid-19.
Ky është mesazhi i gardianit kuqezi që dje festoi 5 vjetorin te “Djalli” që kur debutoi ndaj Sassuolo:
“Përshëndetje të gjithëve, për fat të keq unë u testova pozitivisht me COVID -19. Së pari dua t’ju them se jam mirë. Gjithashtu përfitoj nga ky rast t’u kushtoj mendimet e mia të gjithë atyre që luftojnë kundër virusit: bëhuni të fortë! Mos u dorëzoni!
Unë i kujtoj të tjerët të mbajnë distancën, të mbajnë maska, të lajnë duart! Gjithçka ndihmon në përpjekjen për të ndaluar këtë virus. Ndërkohë, sonte do të jem përpara TV duke brohoritur për shokët e mi të ekipit. Forca Milan”.
