Liverpooli ka marrë një lajm shumë të mirë përpara ndeshjes kundër Evertonit. Trajneri Jurgen Klopp dhe djemtë e tij duhet të kthejnë faqe pas humbjes kundër Aston Villes me rezultatin 7-2. Blutë e Ancelottit janë klubi më në formë i kampionatit dhe “Redsat” duhet të fitojnë për t’u konfirmuar.
Fati i mirë është rikthimi në stërvitje i Sadio Manesë dhe Thiago Alcantaras. Të dy lojtarët ishin të prekur nga COVID-19 dhe fatmirësisht e kanë kaluar pa pasoja virusin.
Ata janë shfaqur në stërvitje sipas asaj që shkruan Mirror dhe do të jenë në përgatitjet para ndeshjes. Të dy lojtarët mund të luajnë nga minuta e parë. Evertoni nga krahu tjetër shpreson të vazhdojë me fitore ashtu siç ka bërë deri në këtë moment.
