Argjentina mposhti ditën e djeshme Bolivinë me rezultatin 2-1 me përmbysje, pasi e kishte parë vetën në disavantazh më parë.
Megjithatë vëmendjen e të gjithëve e mori një incident i ndodhur në fundin e ndeshjes, ku protagonist ishte ylli argjentinas, Leo Mesi. Ky i fundit ka pasur një përplasje me një nga pjesëtarët e stafit të Bolivisë.
“ Ku e ke hallin bir ku***?! Keni gjithë ndeshjen që më bërtisni, pse krijon telashe?”, i tha sulmuesi Lukas Navasit, me të cilin ka pasur një përplasje verbale.
Është dashur ndërhyrja e futbollistëve të të dyja skuadrave për të qetësuar gjakrat dhe për të mos lejuar që sherri të vazhdonte më tej.