“Fama dhe aftësitë e lojtarëve të caktuar nuk i autorizon ata të jenë arrogantë, mosrespektues të institucioneve dhe të gënjejnë: përkundrazi, sa më shumë që njihen, aq më shumë duhet të ndiejnë përgjegjësinë të mendojnë para se të flasin dhe për të dhënë një shembull të mirë”.
Në telefon me ANSA, ministri i sportit Vincenzo Spadafora është treguar shumë i ashpër me Cristiano Ronaldon.
“Nuk kam ndërmend të vazhdoj për një kohë të pacaktuar për këtë çështje – shton Spadafora – Konfirmoj atë që thashë dje në lidhje me braktisjen e hotelit nga disa lojtarë të Juventusit, bazuar ndër të tjera në komunikimet e klubit me ASL të Torinos. Unë nuk do të ndërhyj më shumë në lidhje me temën dhe i përsëris dëshirat e mia për një shërim të shpejtë për të gjitha rastet pozitive”.
