Emiljano Musta, Mentor Mazrekaj, Dorian Kërçiku vazhdojnë të dëmtuar. Tri nga afrimet e verës nuk luajtën kundër Tiranës, teksa po vazhdojnë fazën e riaftësimit. Nëse ata nuk u dukën fare, Albion Marku ka dhënë shenja rikuperimi. Vërtet nuk është në gjendjen optimale, por stafi teknik vendosi që të mos e rrezikojë për një ndeshje testuese.
Armando Cungu shpreson që shtyrja e radhës e kampionatit të sjellë rikuperimin e tyre nga dëmtimet dhe në javën e parë të ketë një organikë të plotë. Laçi i këtij viti është transformuar. Edhe pse nuk kanë pësuar ndryshime të mëdha në organikë, ditën që të ruajnë bazën e ekipit dhe të afronin elementë cilësorë. Ambiciet janë shtuar ndjeshëm dhe duhet thënë që kurbinasit janë në rrugën e duhur. Në miqësoret e zhvilluara kanë treguar nivel të lartë në lojë, çka jep shpresë për të tentuar edhe majat.
