Fiorentina raportohet se ka shënjestruar ish-lojtarin e Napolit, Hoze Kajehon si përforcim, nëse Federiko Kieza largohet drejt Juventusit. Spanjolli u largua nga Napoli pas përfundimit të sezonit të kaluar, dhe tani duhet të gjejë një ekip të ri.
Gjanluka Di Marzio pretendon se presidenti i Fiorentinës, Roko Komiso po konsideron mundësinë që ti ofrojë një kontratë 33-vjeçarit spanjoll. Juventus është në bisedime me klubin vjollcë për Kiezën, dhe Fiorentina ka shënjestruar Kajehonin si zëvendësuesin e mundshëm.
Kajehon luajti 349 ndeshje për Napolin, ku shënoi 82 gola dhe dha 78 asiste.