I izoluar nga pjesa tjetër e grupit të kombëtares kroate të Zlatko Daliç, pas infektimit të tij me koronavirus, sot mesfushori i Interit Marselo Brozoviç do të udhëtojë drejt Milanos me një fluturim privat.
Këtë lajm e ka bërë publik vetë Federata Kroate e Futbollit, duke qetësuar trajnerin zikaltër Antonio Konte sepse nëse Brozoviç do të qëndronte në vendlindjen e tij do të rrezikonte tri sfida deçizive për ecurinë e saj midis kampionatit dhe Champions, ndaj Torinos, Real Madridit dhe Sasuolos.
Brozoviç rezultoi pozitiv nga Sars-Cov2 duke qenë simptomatik dhe u izolua menjëherë në hotelin ku kombëtarja kroate ishte grumbulluar.