Tomas Strakosha është gati t’i rikthehet fushës. Gardiani kuqezi ka rezultuar negative në testin e fundit për koronavirus te Lacio dhe sot është paraqitur në klinikën e Lacios “Paidea” për të kryer ekzaminimet e tjera mjekësore rreth kondicionit fizik.
Gardiani i Shqipërisë humbi ndeshjet e fundit të kombëtares pasi kishte rezultuar me koronavirus së bashku me shokun e skuadrës Imobile dhe disa të tjerë. Tashmë, të dy lojtarët kryesorë të bardhekaltërve e kanë lënë pas koronavirusin dhe do të vendosen në dispozicion të teknikut Simone Inzagi.
Mungesat e vazhdueshme me Lacion në ndeshjet e fundit si dhe me ekipet kombëtare shkaktuan një kaos të vërtetë te kampi bardhekaltër, pasi klubi u akuzua se kishe fshehur rezultatet e vërteta të tamponëve, edhe pse futbollistët ishin infektuar me COVID-19. Tashmë, te Lacio kthehet qetësia.
🏥 Visite mediche per Thomas #Strakosha in @ClinicaPaideia pic.twitter.com/vvjHlYwuif
— S.S.Lazio (@OfficialSSLazio) November 20, 2020