Futbollisti i Kombëtares Shpresa, Emir Sahiti, ua ka marrë dorën skuadrave të mëdha në kampionatin kroat. I transferuar në merkaton e verës, nga Hajduku i Splitit te skuadra e Sibenik, 21-vjeçari duket se ka arritur të përshtatej menjëherë, duke fituar zemrat e tifozëve.
Teksa i shënoi ish-klubit të tij Hajdukut në ndeshjen e 18 tetorit, duke i dhuruar 3 pikë Sibenikut, kësaj here Sahiti gjeti sërish rrugën e rrjetës, në triumfin 2-0 në shtëpi ndaj Rijekës.
