Mikel Arteta i ka sfiduar lojtarët e tij që të shënojnë më shumë gola nëse duan të luftojnë për titull këtë sezon. Arsenali ka pësuar 7 gola në 7 javët e para të Premier Ligë, duke qenë mbrojtja më e mirë aktualisht në kampionat, por trajneri spanjoll pranon se “Topçinjtë” duhet të punojnë ende me sulmin:
“Të luash tri herë kundër Liverpulit, Mançester Sitit dhe Lestërit, nuk është e lehtë. Është diçka që po punojmë gjatë javëve të fundit dhe po përmirësohemi në sulm. Duhet të vazhdojmë ta bëjmë. Nuk kemi luajtur shumë ndeshje kundër ekipeve më të vogla. Për të qenë një skuadër klasi dhe për të rivalizuar me më të mirët, duhet të bësh më mirë në sulm dhe të shënosh të paktë 100 gola”, u shpreh Arteta.
