Arsene Wenger ka bërë disa deklarata interesante në lidhje me futbollin modern.
Tani shijon spektaklin jashtë fushës, por Wenger nuk e harron lamtumirën nga futbolli dhe kryesisht nga Arsenal-i pas 22 vitesh si trajner:
“Në atë kohë nuk mund ta dija sa e dhimbshme do të ishte, por sot jam i qetë. Kam zbuluar familjen, kohën, qytete. Do të kthehem në stadium ta shikoj Arsenal-in, por nuk jam gati. Është skuadra ime, historia ime”.
Në lidhje me futbollin aktual: “Klubet që dominojnë në Europë e bëjnë falë shpenzimeve që kanë bërë para shtrëngimeve të Fair Play-t Financiar”.
“Janë ngrirë pozicionet e arritura më parë dhe kjo e shtrembëron garën. Tani është e lehtë të parashikosh kush do të fitojë, është e mërzitshme. E bukura e futbollit duhet të jetë të qenit i paparashikueshëm. Dhe investitorët e rinj e kanë të vështirë të fitojnë”, ka thënë francezi.